قصيدة ابويا - انا لسه فاكر كل حاجه قالها 💔 قصيدة حزينة عن فراق الاب
عارف
انا لسه فاكر كل حاجه قالها
اه
صوته بيرن ف وداني
فاكر خوفه عليا وامي لما سالها
هو الواد لسه مجاش
طب رني عليه اطمني وطمنيني
عشان لو اتأذي هيبقي أذاني
فاكر لما قالي
خد تعالا هنا صليت كام فرد
تعالا قدامي هنا عد
يا بني عايزك تكبر
تشيل مسؤوليه
عارفك تقدر
واكتر واكتر
بس انا عايز اخواتك تبقي فيك محميه
أهجر يا بني كل دموع العين
وأنسى كل مقاسى الماضى
مش هيزيح الهم أنين
و هتضيع وقتك عالفاضى
دى الفرحة عملة نادرة
بيع اهاتك وأشتريها
والضحكة بجد قادرة
تفيد حياتك وتراعيها
وضحكتك هيا ضحكة اخواتك من بعدي
متحزنش ع فراقي ولا بعدي
خليك راجل ومصالحي ارعاها
وانا جنبك متخفش
انفاسي ف الهوا جنبك هتلاقيها
وصلي وصوم واحسن المعامله
و اقف جنب الناس مجامله
حب الناس كنز يا ولدي
واعتبر كلامي ليك وصيه
لانك بعدي هتشيل المسوؤليه
مش بالكلام
دي عايزه افعال
وانت من ضهر راجل
ولازم تبقي تقيل
بس عارف يا بني
كان نفسي اشوفك ابو العيال
ياه يا ابويا
لسه سامع كل حرف منك
لسه واحشني حضنك
لسه شامم ريحتك ف كل مكان
لسه يا بويا اسمك مالي المكان
ومن بعد حضنك مش لاقي حنان
---------------------------------
ليست هناك تعليقات:
إرسال تعليق