كلام على وجع - الفكرة مش فى الارتباط
" خواطر اسلام جوبا "
آلفكرة مش فى الإرتباط... آلفكرة فى الإحتياج لكلمة " آنا جمبك .. إرمى عليا... إحكيلى "
إحنا محتاجين حد يحسسنا إننا بشر .. محتاجين حد منتكسفش منُه ونحكيله كل تفاصيل حياتنا بكل العُمق وآلدوشة والحزن والكأبه وحتى آلهيافة اللي فيها !!
محتاجين حد يسمعنا علشان عايز يسمعنا مش علشان دا واجب أو فرض علية.
محتاجين نطلع آلطفوله اللى جوانا ونتصرف براحتنا من غير ما يتقلنا "هيافه"
حد نقوله عن مشاكلنا من غير ما يقولنا "انت كئيب ونكدى ".
عاوزين طبطه وإحتواء مع عقل ينصحنا ويكمل آحلامنا
حد مانخفش من الدنيا ومصايبها وهو معانا.
حد قابلنا بعيوبنا وكلاكيعنا ومزاجنا اللى بيتغير فى الساعه الواحدة مليون مرة
حد ما اطلبش منُه إنه يسندنى ..لا هو بيسندنى قبل ما ابدأ آقع ..
حد يعرف أمتى يبقى صاحب وآمتى يبقى حبيب وأمتى يبقى آخ وأمتى يبقى آب
حد يعوضنا شويه عن حاله آلياس والحزن اللى عشناها ويحسسنا إننا لينا قيمه وان غيابنا بيفرق معاة مش مجرد حاجه على الرف "
احنا عاوزين حُقن طبطبه واهتمام وحب وثقه وسند وآمان مش حقن إرتباط وخلاص ؟
- إختاروا صح علشان آلندم فى الإرتباط مابيبقاش مُجرد كِلمة (يارتنى) دا بيبقى وجع وشروخ بتعشش جواك...💛
ليست هناك تعليقات:
إرسال تعليق